PËRSHKRIM I PROJEKTIT “MBËSHTETJA E THEMELIMIT DHE ZHVILLIMIT TË INSTITUTIT PARLAMENTAR
Mungesa e një kapaciteti të pavarur për hulumtim për përgatitjen dhe rishikimin e legjislacionit e sfidon me seriozitet rolin kushtetues të Kuvendit të Republikës së Maqedonisë për të siguruar sjellje të pavarur të ligjeve dhe mbikëqyrje efikase të politikave dhe veprimeve të qeverisë. Për të adresuar këtë çështje, Kuvendi po zhvillon burimin e vet të pavarur për hulumtime legjislative dhe analiza. Si kandidat për anëtarësim në Unionin Evropian dhe NATO, Kuvendi gjithashtu është i vendosur për ndërtimin dhe ruajtjen e raporteve me kuvendet dhe institucionet parlamentare për hulumtim në Evropë dhe gjetiu dhe për t’u shndërruar në një legjislaturë moderne, e pajisur mirë për të luajtur rolin udhëheqës në demokratizimin e vazhduar të Maqedonisë dhe integrimin euroatlantik.
Instituti Nacional Demokratik për marrëdhënie ndërkombëtare (NDI) mbështesin krijimin e një Instituti parlamentar (IP) të pavarur, efikas, të pajisur me ekspertë, për t’u siguruar deputetëve dhe personelit të parlamentit hulumtime dhe analiza profesionale me kohë për përgatitjen dhe rishikimin e legjislacionit. Me finansim kryesor nga Agjencia zvicerane për zhvillim dhe bashkëpunim (SDC), mbështetje të mëtejshme nga Agjencia e Shteteve të Bashkuara të Amerikës për zhvillim ndërkombëtar (USAID), dhe Institutet parlamentare të Republikës çeke dhe Sllovakisë, projekti nisi në shkurt/mars 2010 dhe faza fillestare do të vazhdojë deri në dhjetor të vitit 2012.
Synimet e këtij programi janë: ti sigurojë Kuvendit një burim të qëndrueshëm dhe të pavarur të hulumtimeve legjislative dhe analizave të cilat bazohen në ekspertiza vendore dhe ndërkombëtare; ti ndihmojë Kuvendit të profesionalizojë punën legjislative duke rritur kapacitetin për trajnime të deputetëve dhe personelit parlamentar në kuvend në vendin e punës; ti ndihmojë Kuvendit në zhvillimin e një procesi më informativ dhe më shqyrtues për rishikim të legjislativës; dhe të lidh Kuvendin me resurse ndërkombëtare legjislative për të ndihmuar në harmonizimin e ligjeve të Maqedonisë me normat dhe standardet e reja ndërkombëtare, në veçanti në drejtim të integrimeve euroatlantike.
Instituti parlamentar është i përbërë nga njëzet e pesë vetë, të menaxhuar nga Drejtuesi i IP, në dy sektorë: Sektori për analiza të përgjithshme dhe Integrim evropian dhe Sektori për arsim dhe komunikim/bibliotekë hulumtuese dhe arkiv legjislativ. Sektori për analiza të përgjithshme dhe Integrim evropian do të përfshijë dy departamente: Njësia për analiza juridike dhe Njësia për analiza në fushën e shkencave shoqërore. Ndërsa, Sektori për arsim dhe komunikim/bibliotekë hulumtuese dhe arkiv legjislativ përfshin Njësinë për arsim dhe komunikim dhe Njësinë për bibliotekë hulumtuese dhe arkiv legjislativ.
Arritjet kryesore të projektit janë:
- Nënshkruaja e Memorandumit për mirëkuptim midis SDC dhe Kuvendit të Republikës së Maqedonisë dhe themelimi i marrëdhënieve kontraktuare midis SDC dhe partnerëve implementues, duke përfshirë strukturat dhe procedurat e brendshme të projektit;
- Organizimi i takimit të parë të Bordit këshillues të IP dhe takime të Këshillit drejtues të IP;
- Marrëveshje për hapësirë të përshtatshme parlamentare (mbi 600 m2) për zyrat e IP, hapësirë për trajnime, hapësirë për arkivim dhe dhoma të leximit si dhe nismën e procesit për tenderim për renovim dhe pajis - je të hapësirës në fjalë; dhe,
- Hartimi dhe ndihma për miratimin e dokumenteve të brendshme që rregullojnë organizimin e IP dhe punën nga ana e Këshillit drejtues të IP, Komisionit për Zgjedhje dhe emërime dhe Agjencionit të administrimit.
